يامنى روحي ياعمري الجاي
ياباقي آمالي وأمـل سنينـي
ياحلمي الوردي يا نور دنياي
ياأجمل حب وأروع عناويني
ياكل دنيتي وأرضي وسمـاي
يامالك حواسي يا شوف عيني
يافرحة حياتي وسعدي وهناي
ياململم شتاتي وجامع حنيني
غبت وذبلة الإبتسامه بمحيـاي
بحضورك حبيبي تزهر بساتيني
كيف مدري قدرت على شقـاي
وأنت الذي كالطفـل تدارينـي
تمنع جوفي من قطـرة المـاي
وأناقبل أنشدك بشفاك ترويني
أقسى ! بهالدنيامالك سـواي
بكرة قلبـك يصـرخ ينادينـي
يبي قربي وحنانـي ورضـاي
وإنتي بالأساس كلـك تبينـي
ما ترضى ملامس جسمي سناي
كيف بتقدري بلحظة تنسينـي
أنفاسي هواك أنفاسـك هـواي
نبضي بقلبك ودمك بشرايينـي
روحي بداخلك وروحك معـاي
حياتي بيدينك وحياتك بيدينـي
أتركي قولـة أستعـد لفرقـاي
تراك بالأخر بترجعي تحتويني